ԵՐԿՈՒ ՔԵՐԹՈՒԱԾ

%d5%b4%d5%a7%d5%b6%d5%ab%d6%84%d5%a7%d5%b6

ԼԵՌՆԱ ԳԱՐԱԳԻՒԹԻՒՔ

 

ՑՈՒՑԱՓԵՂԿԻՆ ՄԷՋ

Անոնք կը կանգնին օրն ի բուն
Շողշողուն լոյսերու տակ
Անշունչ եւ սեւեռուն
Աչքերով բաց:
Մերթ զգեստաւորուած հիացմամբ,
Եւ մերթ հոլանի.
Եւ ո՛չ ամչկոտ ցուցափեղկի պուպրիկներ:
Կեղծ, զգլխիչ շքեղութեամբ,
Ցուցափեղկի բնորդներ:
Օրն ի բուն եւ երկար ամիսներ
Հոն կը կանգնին
Անշարժ, անզգայ:

Մենք բնորդնե՞ր ենք.
Հապա դո՞ւք, բնորդնե՞ր էք:
Ցուցափեղկէն դուրս յորդած,
Անզգայ:
Մենք բնորդներ չենք թէեւ հոլանի:
Դուք բնորդներ չէք անզգայ, վստահ:
Բայց թերութիւններու շղթայով
Շնչող ենք՝ շնչող բնորդ քաղաքացի:
Եւ մենք ենք ցուցափեղկի պուպրիկները,
Ցուցադրուելու արժանի. թէեւ անգին,
Սակայն այնքան շա՜տ, որ՝
Ձրի:

 

 

ՃԱՆՃՃԵՆՃՃԵՆՃՈՏԱԾ

 Ճանճեր ճանճերու փարեցան
Օդին մէջ կիսուեցան
Ճանճեր՝ ճանճերու:
Աղբեր՝ աղբերու վրայ կուտակուեցան
Ճենճ հոտեցան, ճենճոտեցան:
Ճանճեր՝ ճանճերով շա՜տ շատցան,
Ու մարդոց վրայ թառեցան:
Մէկ անդին մէկ ասդին.
-չաթ-չաթ-
Չազատեցան:
Ճանճեր օդին մէջ բազմացան,
Եւ մարդոց վրայ թառեցան
Գիշերը՝ անկողինին մէջ:
Մարդիկ՝
Ճանճերու պէս
Ճենճոտեցան:

 

Արտատպումի պարագային կը խնդրուի նախապէս կապ հաստատել Հայերէն Blog-ի վարչութեան հետ:

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s