ՍՕՍԻ ՄԻՇՈՅԵԱՆ-ՏԱՊՊԱՂԵԱՆ
Երկար տենչալ
Ու հասնիլ
Ի վերջոյ
Հո՛ն ուր որ քուկդ պիտի ըլլար
Եւ հիմա չէ:
Ափսոսանք,
Խռովք,
Արտասուք,
«Տէ՜ր, ողորմեա՛».
Յետոյ մերժումն անցեալի,
Ցասում
Հայհոյանք.
Հայ
Հոյ
ենք
ողբալ գիտենք
անկարութեան զգացում
Տեսնել ու միայն լա՞լ…
«Տեսնե՜մ Անին ու նո՛ր մեռնեմ…»
Անդրադարձ,
Զայրոյթ:
-Ուխտագնաց գնա՛ լաց,
Մոմ ու խունկ վառէ,
Անդին ինք թող
Զբօսաշրջիկ պահէ
Ու կրկնակի շահի:
Դեռ կը ձեռնարկէ նորոգութեան ալ
Ս. Կիրակոսի կամ այլուր,
Չէ՞ որ ուխտագնացները կ’աւելնան տարուէ տարի՝
«Տեսնելու ու նոր մեռնելու»:
Արթնացում.
Բա՛ւ է․
Հարկ է շրջել երգին բառերը:
Արտատպումի պարագային կը խնդրուի նախապէս կապ հաստատել Հայերէն Blog-ի վարչութեան հետ:
Advertisements
