«ՊԱՐԱՊՆ ՏԱԿԱՌ ՀԱՆԷ ԲԱԶՈՒՄ ԱՂՄՈՒԿ ՅՈՅԺ»

27605788_846009465581054_1141162022_o.jpg

Յ․ ՀԵԼՎԱՃԵԱՆ

Կէս գիշերին Արթինը երերալով շորորալով գռիհներէն անցնելով կու գայ, Արեգնազին տան պատուհանին տակ կը նստի եւ կը սկսի խմել եւ երգել՝ «Հազար նազով եար»:

Քիչ ետք տիկին Արեգնազը ջղայնացած պատուհանը կը բանայ եւ Արթինին կը հրամայէ լռել եւ հեռանալ պատուհանին տակէն․

– Արթին, այդ զխըմը չի խմես՝ չ’ըլլար. յետոյ ի՞նչ իրաւունք ունիս պատուհանիս տակ նստած «Հազար նազով»ը երգելու․ լսողն ալ պիտի կարծէ թէ ինծի համար կ’երգես։

Շուտ ըրէ, փրթըդ քաշէ եւ տունիդ պատուհանին տակը նստէ եւ երգէ: Կեանքիս մէջ քեզի չափ անճոռնի եւ անճաշակ մարդ չեմ տեսած, շուտ կորիր, վրադ քացախ չի թափած:

Արթին կը ջղայնանայ եւ Արեգնազին պատուհանէն ներս կը սկսի պոռալ.

– Ճատալոս Արեգնազ, կնկայ հանգամանքդ պահէ, մի ստիպեր որ գրաբարով պախարակեմ քեզ:

– Դուն ո՞վ ես որ զիս պիտի պախարակես, սարսախ-սարխոշին նայեցէք:

– Արեգնազ, դուն կը նմանիս այն պարապ տակառին, «որ հանէ բազում աղմուկ յոյժ»։

– Ուժդ գնա շէպէլէք կնոջդ ցուցուր, պօշ ատամ:

– Աղջիկ, ար-նամուս ունեցիր․ եթէ պատիւ ունենաս՝ գիշերով հայվանի պէս չես պոռար, զաւթիչ:

– Անպատիւը կինդ է, աղջիկդ է, կորսուէ պատուհանիս տակէն՝ տան զիպիլը գլխէդ վար չի թափած:

Արթին վերջին ումպը կը քաշէ եւ բարձր ձայնով կ’երգէ՝ «Արեգին պօյը չինար է»:

– Արթին, դուն կ’երեւի խօսք չես հասկնար:

– Ես: Ես կը հասկնամ եւ չի հասկցողներուն ալ կը հասկցնեմ:

Յանկարծ կողքի դրացի Հաբեթը իր պատուհանը բանալով Արթինին եւ Արեգնազին կը պոռայ.

– Ձեր պոռչտուքին վերջ պիտի տա՞ք թէ ոչ թաղը այրեմ:

Արթին Հաբեթին պոռչտուքէն վախնալով, օրօրուելով կը հեռանայ իր տան ուղութեամբ:

Տիկին Արեգնազ պատուհանը շրխկացնելով կը գոցէ եւ լոյսը կը մարէ:

Արթին իր տան պատուհանին տակ կը նստի եւ դարձեալ կ’երգէ «Հազար նազով եար»ը:

Արթինին կինը գիշերանոցով դուրս կու գայ տունէն եւ Արթինին թեւէն մտնելով տուն կը մտցնէ.

– Արթին, գիշերով «Հազար նազով եար» երգել կ’ըլլա՞յ: Մտիր, լուացուէ, գիշերազգեստդ հագիր, խաչդ հանէ, քնացիր:

Գիշերով Արթին մահճակալին վրայ կենալով կը պոռայ․ «Պարապն տակառ հանէ բազում աղմուկ յոյժ»:

– Արթին, այլեւս քեզի խմել չկայ, քանի գինովնալով ֆրանսերէն կը ձաբռտես կոր։  «Մալատ ռուժ, հանէ բանէ», վերմակդ քաշէ, քնացիր, բերանդ օղիի տակառ կը հոտի:

Արթին մինչեւ առտու Արեգնազին հասցէին գրաբարով կը պոռայ․ «Պարապն տակառ հանէ բազում աղմուկ յոյժ»։

 

Արտատպումի պարագային կը խնդրուի նախապէս կապ հաստատել Հայերէն Blog-ի վարչութեան հետ:

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s