ԵՐԿԻՆՔԸ ԹԱՓԱՀԱՐՈՂ ԹԵՒԵՐ

29996045_1837554562961239_1513294954_o.jpg

ՍԻՒԶԱՆ ԲՌՆԱԼԵԱՆ

Հաճելի գիշեր մըն էր։ Կը սպասէի մտերիմ ընկերներուս, որոնք տարբեր մասնագիտութիւն մը կ’ուսանէին։ Անոնք իրենց դասը կ’աւարտէին:

Կ’առնէիք ձեր սուրճը եւ գիրքը ու կը կարդայիք հաճոյքով, միեւնոյն ժամանակ ձեզի նման երիտասարդ ուսանողներուն նայելով ու ականջ տալով խօսքերուն, կրնայիք զուարճալի ժամեր անցընել, նոյնիսկ միս-մինակ սպասելով համալսարանին մէջ։ Բայց հոյակապ բան մը կ’ըլլար յանկարծ ծանօթանալ մէկու մը, ու կեանքի գաղտնիքները բաժնել իրարու միջեւ, անգամ մը եւս չտեսնուելու հանգստութեամբ։

Այսպէս եղաւ․ նոր ընկեր մը ունեցայ, միայն գիշերուան այդ ազատ ժամերս անցընելու համար, որպէսզի չնեղուիմ մինչեւ որ ընկերուհիներս գան։ Հետզհետէ յայտնի կ’ըլլար, որ թաքնուած ապրումներ կային մեր մէջ։ Ահա այն հարցումը, որ պատասխանիս կը սպասէր անհամբեր, եւ ոչ թէ միայն իմ պատասխանիս, այլ՝ մարդկութեան պատասխանին․

– Ինքզինքդ ինչպէ՞ս կը ներկայացնես․ բարի՞, թէ ոչ՝ չար անձ։

Շուարած էի։ Կարծեմ թէ հարցումը անպատասխան ձգել ուզեցի։ Բայց խիղճս կը մերժէր անձայն մնալը։ Պահ մը լռութիւնը ընդհատեցի, վարանոտ ձայնով մը․

– Թէ՛ բարի եմ եւ թէ չար։ Ըստ իս իրարմէ տարբեր անձեր մէջս կը բնակին։

Ան յստակ շեշտով պատասխանեց.

– Եթէ ինծի հարցնես՝ չար անձ մըն եմ։ Չարութիւններս գիտեմ, որոնք կը ստրկացնեն զիս։ Ծառան կը դառնամ այն գէշութիւններուն, որոնք կենդանի են, իսկ ես կը թառամիմ։

Առաջին անգամ կը տեսնէի, որ մէկը ինքզինք իբրեւ չար կը սահմանէր։ Հարկաւ այս խոստովանանքը օրինակ մըն էր քաջութեան, թէ՛ ինքն իրեն եւ թէ ինծի հանդէպ։ Որովհետեւ հասկցած էի, թէ ի՛նչ ըսել կ’ուզէր։ Սա պահուն մենք իրարու ծանօթներ կը դառնայինք, խոստովանելով մեր մեղքերը, եւ հիմա իրարու կը մօտենայինք երկու թռչուններու նման՝ ազատութեամբ։

Մենք այլեւս կ’երգէինք մարդկութեան երգը, որ անմոռանալի պիտի դառնար․ երկինքը թափահարող այն թեւերը։

Հրաշալի լուր մըն ալ տամ ձեզի։ Ան յաղթած էր իր գէշութիւններուն եւ իրական սիրոյ զգացումը ունէր իր մէջ։ Թերեւս չէր գիտեր, թէ Աստուծոյ հրաշքներէն մին կը փաստէր իր կեանքը։

Ահա՛, այս էր կեանքի խորհուրդը, որ յոյսով պիտի լեցնէր վիրաւոր սիրտս։

 

Արտատպումի պարագային կը խնդրուի նախապէս կապ հաստատել Հայերէն Blog-ի վարչութեան հետ:

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s