ՄԵԾ ՄԱՅՐՍ

35114534_1912032345513460_7006629202233393152_n.jpg

ՄԵԾ ՄԱՅՐՍ
ԹԱԼԻՆ ՔԻՒԼՉԷԵԱՆ
Ալֆորվիլի Հայ Մշակոյթի Տուն, 8րդ դասարան

Օր մը մեծ մօրս հետ հանրային պարտէզ գացի։ Ամառ էր եւ օդը՝ շատ տաք։
Հոն նստանք ու մեծ մօրս ըսի.
– Մեծ մայրիկ, քեզ շատ կը սիրեմ եւ չեմ ուզեր, որ քեզի բան մը պատահի։
Վերադարձին, երբ մեծ մայրիկիս հետ կը քալէի, շատ ուրախ էի, չափէն աւելի ուրախ։ Յանկարծ ինքնաշարժ մը եկաւ ու ինծի պիտի զարնէր, բայց մեծ մայրիկս ուժով քաշեց ձեռքէս։
Վերջը հասկցայ, որ մեծ մայրիկս զիս փրկեց։

 

ԲԱՐԻ ՄԵԾ ՄԱՄԱՍ
ՆՈՒՆԷ ՍԱՐԳԻՍԵԱՆ
Ալֆորվիլի Հայ Մշակոյթի Տուն, 8րդ դասարան

Կը յիշեմ…
Երբ պզտիկ էի, կարծեմ՝ վեց տարեկան, գիշեր մը, մեծ մայրիկիս տունը պիտի քնանայի․ բայց հիւանդացայ, տաքութիւն ունէի, կը հազայի։ Մեծ մայրիկս դեղահատ տուաւ ինծի, պատմութիւն պատմեց, բայց չէի կրնար քնանալ։
Ուրեմն մեծ մայրիկս զիս գրկեց ու ամբողջ գիշերը օրօրեց։
Առաւօտուն ես շատ լաւ էի, բայց մեծ մայրիկս հիւանդ էր։

 

ՄԵԾ ՄԱՅՐՍ ՈՒ ԱՅԲՈՒԲԵՆԸ
ԱՍՏՂԻԿ ՉՈԼԱՔԵԱՆ
Ալֆորվիլի Հայ Մշակոյթի Տուն, 8րդ դասարան

Երբ եօթը տարեկան էի, արձակուրդի օր մը, մեծ մօրս տունը գացի ու հոն մէկ շաբաթ մնացի։
Հայերէն տառերը նոր սորվեր էի ու մեծ մայրս ուզեց ստուգել, թէ լաւ գիտե՞մ։ Սկսայ արտասանել, երբ մեծ մայրս ըսաւ.
-Ի՛նչ ես արտասանում, հայերէն տառերը չե՛ն։
Յետոյ հասկցայ, որ մեծ մայրս չէր գիտեր այբուբենը՝ այբ, բեն, գիմ… տառանուններով։

 

ՄԱԶԻ ՄԸ ՊԱՏՄՈՒԹԻՒՆԸ
ՓՕԼԻՆ ՓԻՐԱԼԻ
Ալֆորվիլի Հայ Մշակոյթի Տուն, 8րդ դասարան

Փոքր էի, երբ մայրս, եղբայրս, մօրաքոյրս ու ես գացինք Լոս Անճելըս, մեծ մօրս այցելելու համար։
Օր մը, մեծ մայրս իր ծանօթները ճաշի հրաւիրեր էր։ Մեծերը նստած էին սեղան ու ապուր կ’ուտէին, իսկ փոքրերը հեռատեսիլ կը դիտէին։
Ես մօտ էի մեծ մամայիս։ Երբ ետ դարձայ, տեսայ մազ մը մեծ մօրս պնակին մէջ։ Կ’ուզէի իրեն ըսել, որ այդ մազը վերցնէ, բայց շատ ամչկոտ էի մեծերուն մօտենալու համար, ուրեմն բերանս գոցեցի ու շարունակեցի հեռատեսիլ դիտել։
Քանի մը օր ետք, մեծ մայրս քիչ մը հիւանդացաւ։ Ես ինքզինքս շատ գէշ կը զգայի, որովհետեւ կը կարծէի, որ մազը կերեր էր ու այդ պատճառով՝ հիւանդացեր ու եթէ իրեն ըսած ըլլայի, հիւանդ պիտի չըլլար ան։
Արդեօք այդ մազը տեսա՞ծ էր ան, վերցուցա՞ծ… երբեք չգիտցայ…

 

Արտատպումի պարագային կը խնդրուի նախապէս կապ հաստատել Հայերէն Blog-ի վարչութեան հետ:

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s