ՀԱՄԲԵՐՈՒԹԻՒՆ

36858840_945176042331062_4343909169892425728_n.jpg

ՍՏԵՓԱՆ ՔԷՕՇԿԷՐԵԱՆ

Համբերէ հոգիս համբերէ
Կ’ըսէին մեզի
Երբ դժգոհ էինք Հայաստանէն
Մաֆիա-մուֆիաներէն
Կը շտկուի կամաց-կամաց
Ինչո՞ւ կ’աճապարէք
Ամէն ինչ իր ժամանակը ունի
Կը յորդորէին իրենց բոլոր որդերով
Համբերութեան երկար շունչով
Մենք ալ կը զարմանայինք
Որ մաֆիա-մուֆիան ինչպէ՞ս
Կամաց-կամաց կրնայ վերնալ
Աւելի հաւանական չէ՞ր որ
Կրնար ալ աւելի խորանալ խորխորատնալ ընդարձակուիլ
Հիմա սակայն
Համբերութեան քարոզ այդ նոյն մարդիկ
Վարտիքով կամ անվարտիք
Այնպիսի անհամբեր աճապարանքի մը մէջ
Սանկ պէտք է ըլլայ նանկ պէտք է ըլլայ
Սանկ չ’ըլլար նանկ չ’ըլլար
Կը քարոզեն կը յորդորեն
Իրենց բոլոր ու նոյն որդերով նորէն
Կը գոռան ու երբեմն ալ
Ներող եղէք
Կը զռան իրապէս
Առանց իրենց շեփորած համբերութեան
Յիշատակն իսկ յարգելու
Զարմանա՞նք հիմա
Երբ համբերատարը անհամբեր
Յեղափոխականը զրախօսական
Դարձեր է շուտով
Հայրենիքի՞ սիրոյն
Չէ՞ որ հայրենիքը նոյնն է
Ներողութիւն
Յաւիտենական է
Իշխանութիւնը չէ
Հողն է ջուրն է
Այո մանաւանդ ջուրը
Զոր թունաւորելն ալ
Հայրենասիրութիւն է
Եթէ նախագահ ես եւ
Եթէ պէտք է
Այս պէտք է-ները
Հաւաքեցէք մէկ տեղ ու վառեցէք
Որ ձեր ալ գարշահոտը քիչ մը նուազի
Կարենաք ըլլալ ի վերջոյ
Ոչ միայն զերթ շարժուն պոչ
Այլ գոնէ երբեմն անշարժ ոչ

 

Արտատպումի պարագային կը խնդրուի նախապէս կապ հաստատել Հայերէն Blog-ի վարչութեան հետ:

Advertisements

One thought on “ՀԱՄԲԵՐՈՒԹԻՒՆ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s