ՆԵԿՏԱՐ ԱՆԿՐԱԿԵԱՆԻ ԳԵՂԱԳՐՈՒԹԵԱՆ ՏԵՏՐԸ

1925-26
Գահիրէ

Գեղագրութեան այս գեղեցիկ նմոյշները շնորհակալութեամբ ստացած ենք Նեկտար Անկրակեանի թոռնուհի՝ Տալիա Ալ Սայիտին կողմէ։

Իր մեծ մօր դպրոցական այս տետրին մասին Տալիային ակնարկը կարդալու համար սեղմել այս կապը՝ ՄԵԾ ՄՕՐՍ ԳԵՂԱԳՐՈՒԹԵԱՆ ՏԵՏՐԱԿԸ

Արտատպումի պարագային կը խնդրուի նախապէս կապ հաստատել Հայերէն Blog-ի վարչութեան հետ:

ԳԵՂԱԳՐՈՒԹԻՒՆ

Գեղագրութիւնը եղած է եւ է տակաւին, յատկապէս կարգ մը մշակոյթներու համար, դասաւանդութեան նիւթ եւ ուսումնասիրութեան առարկայ։ Գրեթէ կորսուած զբաղում, արհեստ, արուեստ մըն է անիկա այսօր հայկական մակարդակի վրայ։ Թէ՞ արդեօք կան դպրոցներ, որոնցմէ տեղեակ չենք։ Ուրախ պիտի ըլլայինք տեղեկանալով անոնց մասին։

Ստորեւ ներկայացուածները փորձեր են Տիանա Օրմանեանի կողմէ, հասկնալու համար նաեւ գիրին ունեցած գեղագիտական արժէքը։ Եթէ փափաքողներ կան, կրնան իրենք ալ փորձել ու մեզի ուղարկել իրենց փորձերը։

Գեղագրուած խօսքերը առնուած են մեր ՄԻՏՔ ԵՒ ԽՕՍՔ բաժնէն, ուր կը գտնէք մէջբերումներուն աղբիւրները։

ՀԱՅԵՐԷՆ BLOG

Արտատպումի պարագային կը խնդրուի նախապէս կապ հաստատել Հայերէն Blog-ի վարչութեան հետ: